onsdag 16. januar 2008

EG HAR FLYTTA

Eg flyttar frå ALLROMMET til 'JORDBÆR & PIGGTRÅD' no.
Stikk innom ein tur vel, eg har ikkje fått så mykje på plass enda, men det kjem etterkvart.

fredag 4. januar 2008

2007 VAR

2007 var året då
- vi feira Elisabeths 50 år
- og mors 80
- Hannah Malenes barnedåp
- og Hild Elins konfirmasjon

2007 var året då
- eg kjøpte D80
- og då eg lærde ein god del data
- i februar laga eg min første blogg
- og i juni oppdaga eg byens gatekunst.

2007 var året då
- eg las 'Ut og stjæle hester'
- og Valla gjekk av som LO leiar

2007 var året då
- Dagskolen vart lagt ned
- og eg bestemte meg for at no må eg nok etter snart 20 år seie farvel til Toyotaen.

2007 var året
- då gullet kom hem
- og Knut fekk fast jobb på Haukeland

2007 var året då
- Lille Lungegården var full av kloakk
- og byen fekk Frp ordførar

2007 var året då
- eg ikkje pynta til jul, og var bortreist til over nyttår

2007 var året då
- Folket i Burma...
- ...kva føregår i Burma no?

2007 var året då
- eg kjøpte mitt første busskort
- og tildelinga av fredsprisen var begrunna med innsats for miljøet.

2007 var året då
- Noreg ikkje lenger var verdas beste land å bu i
- og eg fekk det ikkje verre av den grunn.

2007 var året då E.Solheim vart dobbeltminister

2007 var året
- då eg måla mindre enn året før
- og fotograferte meir

torsdag 29. november 2007

Takk for byen!


Sist måndag då eg gjekk heimover og la vegen om Langhaugen tenkte eg 'gu så heldig eg er som har ein by å gå i.'
Det er så herleg å gå i det vakre når byen har kledd seg i eit lett slør av kvitt og sola står lågt og dannar kontrastar mellom dei gylne solfylte flatene og det kjøligblåe.

tysdag 9. oktober 2007

HELE BYEN VET AT GULLET KOM HEM







PETUNIA NO ER DET BERRE DU OG MJELDEN
SOM ENDA VIL VENTE LITT

måndag 1. oktober 2007

GULLET

Mons Ivar vil ikkje snakke om gull han...he..he.
Eg snakkar gjerne om gull. Og når eg ikkje snakkar om gull, ja så tenkjer eg gull. Det er vårt no.
SNART E' GULLET HEME.
Vi veit det alle, og han veit det egentlig Mons Ivar og.
Eg er jo ikkje på fornavn med Mjelden eg, det blir berre så frykteleg mange bokstavar når eg ikkje er det, så hvis nokon kunne presentert ...
-ja, så ville dette her vera så greit.
Neida, eg berre tulla, eg skal fikse dette her utan.
Tenkjer eg kallar han Mjelden eg.
Eller 'Gull Mjelden' det var vel...
-ja, Gull Mjelden det kallar eg han (iblant)

Eg lurer litt på... sånn inniblant,... f.eks like før han skal til å sovne, eller hvis han ruslar ein roleg tur. Mon tru om ikkje ein liten gulltanke streifar innom Mjelden og då?
FOTBALLKJERRING

laurdag 29. september 2007

Det rare.

Eg er utfordra av BeateUtfordringa går ut på at eg skal finne 7 rare ting ved meg, og utfordre 7 andre bloggerar.
Det ville sikkert vere lettare for alle andre enn meg å finne noko rart ved meg då, men eg skal prøve.
Om eg ikkje greier 7 i kveld får eg ta det litt over langs.
1 - Eg har aldri sett ein heil episode av Hotel Cæsar.
2 - Eg har veldig lite gjeld.
3 - Eg har opplevd å gløyme kor gammal eg var, så eg måtte begynne å rekne.
4 - Eg har sans for Bergenspatriotismen.(Dei er veldig langt frå sjåvnistar)
5 - Eg er ei kvinne farleg nær 48 år og flyg rundt og fotograferer Bergens streetart og andre spor på Bergensveggen. I tillegg legg eg alt dette i forskjellige bloggar.
6 - Eg har aldri opplevd å kjede meg (når eg er heime.)
ååå..no er det berre ein ting igjen...

Så utfordrar eg Bloggdama,som er så heldig å ha ein parsell
Helle
,som er ny'bloggar
Elisabeth,som har laaang bloggerfaring, og utfordrar seg sjølv på merkverdig og modig vis.
Petunia,som har ein blogg mange kosar seg med
Mettepia som var min første hemmelige venn
Illumina som har så fine sjølvproduserte ting i bloggen sin.

No gjenstår ein rar Toneting og en bloggar å utfordre.
Det kjem, det kjem.

torsdag 13. september 2007

Nokon gonger

Nokon gonger, som når eg et eit godt måltid sammen med venner foreksempel.
Då er eg glad eg vart fødd som menneske i dette livet.
















søndag 9. september 2007

To Harlequinpan

Harlequin, you asked me what this mask is for. If we can drink water out of it.
No, we can't drink out of it.





I'm not sure, but I think the water run out from this mask come from the gutter you see on this photo.

torsdag 6. september 2007

MASKE II


Bergen, Nordnes.

Hjertet på verftet.


Kaien ved USF verftet har blått hjerte.
Det er dødt, livlaust, sementert
rundt det blå hjertet.

tysdag 4. september 2007

MASKE I


Bergen, Nordnes

Eg har sendt ei stille takk til gartnaren som ikkje var flittigare enn at det fekk gro ugras utav maskens auga.

Eg trur neppe at andre reagerer som meg på dette, men eg reagerer faktisk sterkt, og synest det er grotesk. Eg veit ikkje heilt kvifor, men eg trur kanhende at det som er av liv der, gjer noko med korleis eg ser maska.

onsdag 29. august 2007

Er Friele overmalt?

Det kom akkurat kommentar til posten 'På jakt etter DOLK's Friele ' : "friele er overmalt"
Det må ha skjedd i dag (eller no er det vel i går)Eg veit ikkje om eg trur det før eg får sjå det. MEN eg får nok sjå det.
For få dagar sidan viste eg den til venner av meg, så det har skjedd nyleg.Den eg ikkje fann då eg viste dei Friele, var Che Guevara som og var å sjå i Smørsgate.

Che var å sjå fleire stader. Friele har nok ikkje vore på vegger utafor Bergen, og eg kjenner ikkje til at den var å finna andre stader i byen enn under Smørsbroen.
Vel, då blir det jo plass til ein ny DOLK der. Det har jo slått meg i det siste at det begynner å bli smått med veggplass i sentrum no.

Fleire DOLK Lundgren stencils

30.aug.2007
Eg måtte jo sjå det, og jo SLIK ser det ut no

søndag 26. august 2007

100 000 norske barn

Det er for meg så ufatteleg; 100 000 norske barn lever med vald i familien fekk me høyra på Kveldsnytt i går kveld. Det er eit så enormt høgt tal; Stavanger har til samanlikning eit innbyggjartal på 114 000.

Eg hadde faktisk vore vaksen lenge eg før det gjekk opp for meg at det fanst vaksne som 'ikkje var snille' med barn.

Eg trudde det som fanst av naivitet var borte. Eg har møtt på personar som har opplevd vald, overgrep og frihetsberøvelse eg ikkje i min villaste fantasi kunne førestille meg at vaksne kunne utsetje barn for. MEN dette talet var overveldande.

Det overraskar meg derimot ikkje at 50% av barn som blir utsette for vald i heimen meiner det er deira skuld. Det ville ikkje overraska meg om prosentandelen var enda høgare. Det er ei kjent sak at barn føler seg skuldige. F.eks trudde ei lita jente at det var hennar skuld at ho vart utsett for seksuelle overgrep fordi ho trakka i dritt og måtte ta av seg strømpebuksa. Desse overgrepa kunne ho ikkje fortelje om, for det var jo hennar skuld.Det finst utallige slike forklaringar barn har funne på kvifor det skjedde, og det går igjen at dei legg skulda på seg sjølv. Ofte har dei fått ei god hjelp frå overgripar til å plassere skulda akkurat slik.

Dette talet; 100 000
100 000 norske barn er veldig mange norske barn.

laurdag 25. august 2007

Foto på avveie

No var det slett ikkje artig å opne denne bloggen.
Eg ser ein blogg full av kvite ruter der det låg bilde.
Har berre lyst til å banne med kjempestore bokstavar!

No vurderer eg altså: skal eg berre slette postane, eller skal eg reparere?
det får eg vel sove på då.

måndag 20. august 2007

Protect

Dette gjeld vel og bloggar vil eg tru.

Kopier gjerne til blogg og til Flickr.

tysdag 7. august 2007

Rockin' Girl Blogger

Tusen takk for Rockin' Girl status, MUFFIN !

MUFFIN er jo ein av Bloggerane eg gjerne kunne tenke meg å gi denne stafettknappen då.Det er gøy å kikke på foto og maleri i bloggen hennar.
MEN no tek vi turen nordover til
BEATE -ho målar, driv med håndarbeide, og fotograferer naturen der nord. Litt Bodø Glimt stoff finn du og i bloggen hennar.
SKYMRING har eg akkurat oppdaga.Ho har ein blogg eg heilt sikkert vil besøke ofte. Berre ta eit besøk der og sjå kor godt ho skriv.
ILLU-MINA har hender som får noko vakkert og unikt utav eitkvart materiale dei er i kontakt med.
MIANN har nyleg flytta inn i atelieret som ho har pussa opp. No er det visst nålefilting ho eksperimenterer med. Besøker du bloggen hennar må du ikkje gløyme å kikke på "mine bilder", heimesida hennar. Der går det fint an å tilbringe litt tid.

onsdag 11. juli 2007

På jakt etter DOLK s Friele.

Då eg begynte å fotografere tagga vegger var det ikkje lenge før eg fann DOLK. Og då var det gjort. No har eg rett og slett turar der eg leitar etter spor DOLK har sett i byen. (og i ein alder av 47år) Eg veit ikkje, eg vil tru det er meir krevande å jakte elg, for eg kjem stadig over det eg er på jakt etter. Vel, det er nokre DOLK eg gjerne skulle hatt, men ikkje har komme over. Kanhende kjem eg ikkje til å finne desse nokon stad, så det stemmer ikkje at eg nødvendigvis finn det eg jaktar, men eg finn noko.

I dag var eg ute etter Friele.



Klikk på bildet så får du han i stort format.

Eg visste eg ville finne DOLKs Friele under Smørsbroen og tok bussen til Østre Murallmenning.
Der hadde eg allereie funne denne.Den tek eg med, for sjå berre på posituren og sammenlikn med Friele:)



Vel,då bussen passerte Torget fekk eg novel ein glimt av noko som måtte vera ein DOLK mellom Torget og hurtigbåtane, så før eg kunne finne Friele måtte eg tilbake for å sjekke.

Visst var det DOLK





Ok, så var den på plass i SD-kortet, og eg kunne begi meg mot Smørsbroen og Friele.
Nesten framme ved Smørsbroen kjem eg no vel over denne; enda ein Che Guevara



Til venstre i bildet ser du Smørsbroen, og under den veit eg at Friele befinn seg.

Etter at eg hadde fotografert ordføraren, og vore innom Japan Foto for å skaffe meg nokre GB å lagre foto på, gjekk eg for å ta bussen heim.
MEN eg hadde enda meir i vente, for på Narvesen på Torgallmenningen, ja der stod nok ein DOLK i veggen

fredag 22. juni 2007

Eksotiske Snilstveitøy

I dag kom eg over den mest eksotiske nettsida eg har sett særleg på til no; Øyaposten. Eg har verkeleg kosa meg med denne nettavisa frå Snilstveitøy. Den fine øya som ligg ein liten rotur frå Rosendal.
Sjølv har eg aldri vore på sjølve Snilstveitøy, men på Kalven ein holme ved øya. Det var då eg gjekk i 9.klasse at me hadde badetur til Kalven.
Eg kan ikkje minnast å ha sett eit foto frå øya eingong, men rikeleg med utsikt mot Snilstveitøy har eg då hatt.

No har eg sett på så mange vakre foto frå Snilstveitøy på denne nettsida. Eg har lese om Brakje som velta i stormen, korleis hjortejakta har arta seg på Snilstveitsøy,om flaum og om flo... Har du ikkje andre planar for dagen, så kan du jo ta deg ein tur inn i eit lite lokalsamfunn i Sunnhordland

tysdag 5. juni 2007

Video verdt å kikke på!

Denne videoen bør du ta ein kikk på.
Karl Erik Brøndbo seier:
"Denne musikkvideoen lagde vi med kun d80 og fjernkontroll."

Og på kommentar om at det nok er lagt ned ein del tid på 'å mekke den til' :
"25 timer og kanskje 2000 stillbilder? En film tatt med d80 får bedre oppløsning enn HD-bilder og ser bedre ut enn videobilder tatt med kamera til en halv million. Så det er bare å løpe og kjøpe en fjernkontroll til 270 kroner."
>

Videoen er produsert av: Håvard Bråthen (NRK lydverket), Hans Lukas Hansen (TV2) og meg (NRK).
:) Neida, meg er ikkje meg, men Karl Erik Brøndbo (NRK)

Og eg har fått bekrefta at det er heilt lovleg å blogge denne, så er det fleire som vil ha den så plukk den med deg.

Og her er link til Facebookgruppa:NikonD80 Norway

torsdag 31. mai 2007

Utfordring: SJÅ nærmiljøet ditt.

Alle dei gonger eg har traska forbi kumlokka her i Bergen.

Sett kumlokka har eg ikkje før i dag.

Eg likar så godt den opplevelsen når eg plutseleg ein dag legg merke til og ser slikt eg har hatt rundt meg men knapt registrert var der.

MORALEN BLIR: - gå ikkje med nasen i sky, for då ser du berre Ulriken, Fløyen og rådhuset.



Eg utfordrar alle som besøkjer bloggen til å stille blikket på makro og sjå det du har like rundt deg. Legg ein link under her då dersom du legg noko nyoppdaga i bloggen din :) så eg får kikke innom og sjå.



Og eg utfordrar Mettepia, Tiril sol , Petunia, Grethe Kristin

tysdag 22. mai 2007

Eg er utfordra av Rita

Eg er utfordra av Rita til å skrive om favoritt parfymen min.
No har det seg slik at Eg er sååå lei av L'EAUD ISSEYen som var favoritt lenge. Den var frisk og herlig inntil eg var mett av den.
Eg har ikkje funne ein ny favoritt eg.

MEN - så får eg skrive om noko eg likar lukta av.





Det er mykje eg kunne velge blant det eg likar lukta av, men valet fell på lukta i rom der det blir arbeidd med tre. Eg berre nyt den lukta.



Ikkje nok med det; eg kan faktisk like lyden av saga og :-)





No utfordrar eg Silja Muffin og Elisabeth Augusta til å vise og/eller skrive om noko du likar lukta av.

søndag 20. mai 2007

Bloggane krympar

Eg har hatt storopprydding på Flickr, og når eg ryddar på Flickr då tynnest det i bloggen min gitt. Bildefelt for bildefelt vart tome fordi eg hentar bildene i bloggen frå Flickr.
Alle tre bloggane er ramma.
Eg har sletta nokre innlegg alt, og no står dei siste for tur.
Så er det ein post du leitar etter og ikkje finn er det dette som er grunnen.

søndag 6. mai 2007

Plukke favorittar

Acryl på akvarellpapir

No har eg vore tre månader på Flickr,og i dag er første gong eg har sett denne teksten under eit foto:"1 person counts this photo as a favorite" og meir skulle det ikkje til for at biletet får sin plass i Allrommet :)
Meir skulle det heller ikkje til for at eg skulle farte rundt på Flickr og finne mine favorittar.
Eg har berre brukt Flickr som lagringsplass for foto, men dette gav meg puffet ut i alle dei vakre bildene.
Så tipset er : har du Flickr konto, så plukk favorittar.
Og om du ikkje alt brukar Flickr, så går det an å prøve ein gratiskonto hvis det fristar.
Det som vart litt overraskande for meg var å sjå i kor stor grad bildene endra seg då dei kom i favorittsamlinga saman med andre foto enn der eg fann dei. Dei vart faktisk enda vakrare.

torsdag 26. april 2007

Slentre innom eit antikvariat.

Då eg var i byn i dag slang eg berre innom eit antikvariat i Lille Øvregate.
Det første eg såg var jo verket eg har så grådig lyst på om Bergens historie i 4 bind. Det har eg jo ikkje råd til då, men gu kor eg hadde lyst å ta meg råd til det.
Vel det er mykje å kikke på i eit antikvariat, der låg gamle vekeblad, dei selde ho for 10kr. no.Desse hadde kosta 25, men ho var så lei dei at ho hadde sett dei ned til 10.

Det var sikkert dummt å ikkje kjøpe nokre...eller var det egentlig?

Nei egentlig ikkje faktisk ... absolutt ikkje!!!!!

Eg kikka i ei kasse med bøker som har stått på Georg Johannesens kontor, og argumenterte med meg sjølv for å ikkje falle for fristelsen, forflytta meg til kunstbøkene, gu, dei var dyre tykte no eg då. Tilbake til Georg Johannesen kassa, og no avslutta eg denne indre mor - barn diskusjonen, let den vaksne ta kommandoen og sei: "Jo den kjøper eg."

Ja, så no er eg den lykkelige eigar av førsteutgåve av Sandemoses "Der stod en benk i haven" som har hatt tilhald hjå Georg Johannesen. Sjølv om det er bittelitt flaut , må eg likevel om eg er heilt ærleg innrøme at det er litt stas å ha ei bok Georg Johannesen har hatt.

Georg Johannesen og Aksel Sandemose, det er då første gong eg har linka dei to sammen :)

søndag 22. april 2007

Oops he did it again
















4-1 på Stadion
'Sæternesen score mål,score mål...' igjen

søndag 1. april 2007

'Fantasi along 4'

Tema 3 utkast 3

...

Utkast 3detaljar


Klikkar du på raud knapp finn du ei veske til. Den er strikka etter samme mønster. Men med Safir garn. Denne er burgunder, men fotoet lyg.
Med garn frå hemmeleg venn i den grøne veska og ei veske i mars fargen er 3 alongar representert i oppgåveløysinga.

Eg fann mønster til denne veska i Familien nr.5 2007 , men har gjort nokre endringar. Kantane på hanken har eg strikka på samme måte som eg strikka kantane på denne jakka
Teknikkar:
-strikk
-toving
-nålfilting
Materiale:
-Veska er strikka i Finull (Husfliden) pinne nr.6, og nålfilta med Merino (Panduro)
Mål: Før toving,etter 1.toving og etter 2.toving
hank,br.:cm (5) 4,5 (4)
veske+lokk:cm (46) 42,5 (37)
br.øvre,veske:cm (30) 27 (24)
nedre,veske:cm (41) 39 (32)
br,øvre,lokk:cm (23) 21 (17)
lengd,lokk:cm (23)22,5 (19)
Kor mykje veska tovar/krympar vil variere frå maskine til maskine og det avheng av kva temperatur du brukar.
Nålfilting: Eg nålfilta denne veska etter første toving For å lage desse "ballane" stramma eg ulla eg filta slik at det etter ny toving danna seg "ballar" Eg vil seinare lage ein post der eg viser litt meir om nålfilting.

Har du spørsmål finn du mi e-post adresse i profilen min.
.
mÅNEDENS FARGE I MARS

laurdag 24. mars 2007

onsdag 21. februar 2007

'Quiltede postkort' - allong Hobbyboden - februar 2007


Dette kortet sende eg til -Rita- This is the card I sent to -Rita-



Det er første gongen eg deltek i 'Quiltede postkort' along. Eg brukte mykje tid på kortet, men eg ser slett ikkje bort frå at eg melder meg på neste gong og. Det var kjekkt å lage kort til andre, og å vita at nokon sat og laga eit kort til meg og.


Ein del frustrasjon var det på vegen der eg ikkje såg for meg at det ville bli noko kort av dette i det heile. Vel trass i frustrasjon vart det etterkvart noko som eg tilslutt valde at no må eg bestemme meg for at det er ferdig.


- Ja, så no er eg egentlig klar for neste runde.




måndag 12. februar 2007

Tone needs...

Eg fann denne i Siljas blogg: "To play, google search your name followed by the word ‘needs’. You then list the top 10"
Det er ikkje alltid vi kjenner alle våre behov eller veit kva vi må gjera, men vi har jo google, og google finn fram til alt.
Eg måtte i hvertfall sporenstreks prøve dette.
-Tone needs a new case
-Tone needs work in the musical instruments
-Tone needs to be set at the top
-Tone needs to start playing electric guitar
-Tone needs to be normal before normal movement can occur
-Tone needs help in the garden
-Tone needs to be very consentrated
-Tone needs to be much more professional and sophisticated
-Tone needs further consideration
-Tone needs your help now!!!!
Her er det utfordringar gitt, så mange at det siste punktet er heilt openbart!